ازاى اعمل ميكس لاى شادو !!!!!!

{{ كيفية عمل الاى شادو}} 

 ازاى اعمل ميكس الوان الاى شادو !!!!...

.اولا ما فيش قاعدة عامة في الألوان لكن فيه بعض الألوان بتعمل تناغم حلو أوي مع بعضها وبتدي انطباعات مختلفة للعين زي مثلاً.

{{ الأسود}}

الاسود مع الألوان الفاتحة تحت الحواجب بيعمل لمسة جريئة للعين...

{{ اللون الرمادي }}

 

لون باهت شويه، علشان كده مش لازم تكثري منه لكن ممكن تدمجيه مع الأبيض أو البيج أو البني.....

{{ اللون الأخضر }}

 

بلاش تحطيه لوحده لإنه بيعطي نظرة باهته للعين لكن بيكون حلو أوي مع البني أو الأسود أو البرتقالي أو الذهبي.

 

{{ اللون الأزرق }}

لون جميل والعين بتحبه؛ لكن من الأفضل إنك تدخليه مع لون تاني زي الأبيض أو الرمادي، وأيضاً ممكن تمزجيه مع الأسود علشان يديكي درجات الأزرق الغامق، وبيكون حلو أوي، وهو موضة هذا العام، واللونين دول مع بعض أساسيين في الماكياج الخليجي.

 

{{اللون الذهبي }}

 

أو الأوف وايت أو البيج بيضفي نور على الجفن وممكن تمزجيه مع الألوان الغامقة لإنه بيدي شكل تحفة.

 

{{ الالوان الامعة}}

 ممكن تستخدميها تحت الحواجب أو عند زاوية العين من الداخل لإنها بتعمل إشراقة حلوة أوي بس بلاش تحطيها على الجفن نفسه لإن الشكل مش هيبقى حلو....

Posted in: الميكب